طريقة عمل كفتة على الطريقة التركية معلومة ع الماشي

 وصفتنا النهاردة هيا طريقة عمل الكفتة على الطريقة التركية و المقادير دي هتكفي لعدد 6 افراد ان شاء الله و هتاخد مننا حوالي 60 دقيقة طهي

ـــــــــــــــــــــــــــــــــــــــــــــــــــــــــــــــــــ

المقادير : 

•لحم بقري مفروم  ـ 450 جرام

•البصل  ـ 1 بصلة مفرومة

•بقدونس ـ 2 معلقة كبيرة مفروم

•صلصة طماطم ـ معلقة كبيرة

•باربيكيا ـ معلقة كبيرة

•ملح  ـ معلقة صغيرة

•الفلفل الاحمر الحار ـ معلقة صغيرة (شطة)

•الكمون ـ نصف معلقة صغيرة

•فتات الخبز ـ ربع كوب

•زيت زيتون ـ ربع كوباية .. ولو مفيش زيت زيتون نستبدله بزيت عادي

•البيض ـ بيضة واحدة بس

ـــــــــــــــــــــــــــــــــــــــــــــــــــــــــــــــــــ

طريقة التحضير :

•1•نجيب طبق كبير و نحط اللحمة و البصل و البقدونس و صلصة الطماطم و فتات الخبز و الزيت و البيضة

•2•نخلط المكونات جيداً لحد ما تبقى قوام واحد

•3•نبدأ نحط الملح و الكمون و شوية فلفل اسود و الباربيكيا و الشطة

•4•نخلط المكونات مع بعض كويس تاني عشان التوابل لحد ما تبقى العجينة جاهزة معانا

•5•خد العجينة و ابدأ شكلها بايدك على شكل اقراص صغيرة

•6•نسخن زيت ع النار لحد ما يقدح و نبدأ نحمر الاقراص دي لحد ما تستوي 

•7•نشيل الكفتة من الزيت و نحطها على المناديل عشان يتشرب الزيت الباقي في الكفتة 

•8•بالهنا و الشفا يا قلبي😍😍😍